Տոն Ղուշչի
գյուղում
2010 թ. մայիի 9-ին կրկնակի տոն էր Ջավախքի
Ծալկայի շրջանի Ղուշչի գյուղում: Գյուղում նշվեց Մեծ Հայրենականի 65-րդ
տարեդարձը եւ պատերազմի վետերաններին նվերներ հանձնվեցին բարերարների
կողմից: Դրանց բացի գյուղում վերանորոգվել է Հայրենական Մեծ Պատերազմի
հուշարձանը:
Նույն օրը հանդիսավոր պայմաններում բացվեցին գյուղի նոր
մարզադաշտը եւ սպորտային դահլիճը, որոնք համալրված են ամենաժամանկակից
մարզական սարքավորումներով եւ նախատեսված են ոչ միայն Ղուշչիի, այլեւ
շրջակա գյուղերի (Խաչ-գյուղ, Կարմրավանք, Նարդեւան, Օզնի, Այազմա, Աշխալա
եւ այլն) մարզասերների համար:
Գյուղի դպրոցականները ներկայացրեցին
բեմականացված ներկայացում հայրենի բնօրրանի մասին, մասնավորապես "Դու
ծանո՞թ էս Ղուշչի գյուղին” բանաստեղծությունը:
Նորակառույց
համալիրի եւ տոնի համար երախտիքի ջերմ խոսքեր ասվեցին գլխավոր բարերար
Գեւորգ Մեհրաբյանին, (Ռուսաստանի Դաշնության Տյումենի երկրամաս), որը
առաջին տարին չէ, որ օգնում է ոչ միայն հայրենի գյուղին, այլեւ այլ
ազգօգուտ նախագծերի, այդ թվում եւ Արցախում կայացած 700
հարսանիքների ֆինանսավորմանը: Համալիրի կառուցմանը ակտիվօրեն աջակցել
են բոլոր գյուղացիները՝ գյուղապետ Վարդան Մեհրաբյանի գլխավորությամբ:
Հանդիսությանը
Երեւանից ժամանել էր
"Ջավախքի ղողանջներ” անսամբլը՝ գեղարվեստական ղեկավար Էդուարդ
Թամարյան: Ներկա էին նաեւ շրջանային ադմինիստրացիայի ներկայացուցիչները: