Ամենայն Հայոց կաթողիկոս Գարեգին Երկրորդը
Վրաստան չի այցելի հունիսին, ինչպես նախատեսված էր: Հրավիրող կողմի
խնդրանքով այցը հետաձգվել է մինչև հոկտեմբեր: Այս մասին տեղեկացնում է Մայր
Աթոռի մամլո դիվանը: Նախօրեին Մայր Աթոռ Սուրբ Էջմիածնում Ամենայն հայոց
կաթողիկոս Գարեգին Բ-ի նախագահությամբ գումարված Գերագույն հոգևոր խորհրդի
ժողովում Մայր Աթոռի միջեկեղեցական հարաբերությունների պատասխանատու Տ.
Եզնիկ արքեպիսկոպոս Պետրոսյանը ժողովականներին ներկայացրել է Կաթողիկոսի`
Վրաստան կատարելիք այցելության նախապատրաստական աշխատանքները:
Արքեպիսկոպոսն ասել է, որ Նորին Սրբությունը հոկտեմբերի 22-23-ին
կհյուրընկալվի Իլիա Կաթողիկոս-պատրիարքին, իսկ հոկտեմբեր 24-28-ը
Հովվապետական այց կկատարի Վիրահայոց թեմ` Թբիլիսի և Ջավախք:
