Главная » 2010»Июнь»26 » Ջավախքն առանձին նահանգ դառնալու իրավունք ունի
21:35
Ջավախքն առանձին նահանգ դառնալու իրավունք ունի
«Հայքը» գրում է, որ
ջավախահայերի մոտ անհանգստություն է առաջացնում Վրաստանի «Ազատության
ինստիտուտ» ոչ կառավարական, սակայն ազդեցիկ հասարակական կազմակերպության
կողմից Սահմանադրական բարեփոխումների հանձնաժողովին ներկայացված առաջարկը`
Վրաստանը ԱՄՆ օրինակով նահանգների բաժանելու և սենատ ստեղծելու մասին:
Ջավախահայերին անհանգստացնում է այն, թե ինչպես են ստեղծվելու այդ
նահանգները: Նրանց աչքի առաջ է 90-ականների սկզբների փորձը, երբ որոշվեց
շրջանները միավորել երկրամասերի մեջ: Այդ ժամանակ Զվիադ Գամսախուրդիան
հասկանալի պատճառով դիմեց մի անտրամաբանական քայլի, և ոչ թե Ջավախքը
դարձրեց առանձին երկրամաս, այլ Ջավախքին միացրեց Սամցխեն, և արդյունքում
հայերը երկրամասում փոքրամասնություն կազմեցին: Հայաբնակ Ծալկա շրջանը և
Մառնեուլի շրջանի հայկական գյուղերն անցան հիմնականում ադրբեջանցիներով
բնակեցված Քվեմո-Քարթլի երկրամասին: Վրաստանի ներկայիս իշխանությունը
խելամիտ կգտնվի, եթե Ջավախքը, Ծալկան և հայաբնակ գյուղերը միավորի մեկ
նահանգի մեջ: Ջավախքը` որպես պատմաաշխարհագրական մարզ լիարժեք իրավունք
ունի առանձին նահանգ դառնալու: Իսկ եթե նահանգներ դառնան ներկայիս
երկրամասերը, ապա Սամցխե-Ջավախեթին խորհրդարանի վերին պալատում կունենա
երկու վրացի և մեկ հայ սենատոր:
