Главная » 2010 » Июнь » 18 » Հայկական շրջանները Վրաստանում ցանկանում են միավորվել մեկ վարչական միավորի մեջ
22:04
Հայկական շրջանները Վրաստանում ցանկանում են միավորվել մեկ վարչական միավորի մեջ
Ապրիլի վերջին տեղի է ունեցել «Սամցխե Ջավախք» և «Քվեմո Քարթլի» հասարակական կազմակերպությունները միավորելու նախաձեռնության վերաբերյալ խորհուրդ:
Ինչպես այսօր տեղի ունեցած մամուլի ասուլիսի ժամանակ հայտարարել է «Ջավախք» հայրենակցական միության նախագահ Շիրակ Թորոսյանը, ներքաղաքական լարվածությունների պատճառով մի քանի անգամ հետաձգված խորհրդի ժամանակ ընդունվել է բանաձև, որտեղ փաստվում է, որ Վրաստանի վարչա-տարածքային կառուցվածքը դաշնային է և իրենք պատկերացնում են հայկական շրջանները մեկ վարչական միավորի մեջ:
Թորոսյանը չի ճշտել, թե ում է սատարում ջավախահայությունը Վրաստանի ներկայիս քաղաքական դաշտում տեղի ունեցող գործընթացների ընթացքում: Եվ չնայած որ Ջավախքի հայերը դժգոհ են գործող իշխանություններից, Թորոսյանի խոսքերով, ընդդիմությունից նույնպես նրանք ոչինչ չեն սպասում:
Թորոսյանը հիշատակել է 2005թ. Վրաստանի կողմից ստորագրված կոնվենցիան, որն ընդունվել էր ԵՄ–ի կողմից, համաձայն որի Վրաստանն իր վրա է վերցնում մի շարք պարտականություններ.
«Այդ պարտականությունները Վրաստանը խախտում է ամեն օր, ամեն ժամ, մասնավորապես, Ջավախքում»:
Ապրիլի վերջին տեղի է ունեցել «Սամցխե Ջավախք» և «Քվեմո Քարթլի» հասարակական կազմակերպությունները միավորելու նախաձեռնության վերաբերյալ խորհուրդ: