PanARMENIAN.Net
- Ֆրանսիայում գործող «Երկիր-Եվրոպա» կազմակերպությունը նամակ է
հղել նախագահ Սարկոզիին Վրաստանի իշխանությունների կողմից ջավախահայության
իրավունքների ոտնահարման վերաբերյալ Ինչպես հայտնում է PanARMENIAN.Net
ին «Երկիր» միությունը, 2010թ. հունիսի 7-8-ին Վրաստանի նախագահ
Սահակաշվիլիի Ֆրանսիա կատարվող պաշտոնական այցի կապակցությամբ Ֆրանսիայում
գործող «Երկիր-Եվրոպա» կազմակերպությունը (www.yerkir.eu, կենտրոնակայանը՝
Լիոն) նամակ է հղել երկրի նախագահ Նիկոլա Սարկոզիին, որտեղ ներկայացրել է
Վրաստանի կառավարության կողմից ջավախահայության նկատմամբ իրականացվող
խտրական քաղաքականության դրսևորումների փաստերը: Նամակում հատուկ անդրադարձ
է արվել ջավախահայության իրավունքների համար պայքարող ջավախահայ գործիչ
Վահագն Չախալյանի նկատմամբ վրացական իշխանությունների քաղաքական
հաշվեhարդարի հանգամանքներին՝ աղաղակող օրինախախտումներով ուղեկցվող նրա
դատավարությանը և շինծու մեղադրանքերով 10 տարվա ազատազրկման դատապարտմանը:
Նամակի ավարտին «Երկիր-Եվրոպա» կազմակերպությունը, նշելով, որ
ֆրանսահայությունը գնալով էլ ավելի է մտահոգվում Վրաստանի հայության
վիճակով, խնդրել է նախագահ Սարկոզիին միջնորդել իր վրացական պաշտոնակցի
առջև՝ ջավախահայության իրավունքների ոտնահարման քաղաքականությունը
դադարեցնելու և Վահագն Չախալյանին անհապաղ ազատ արձակելու հարցում: