Վրաստանը նպաստում է ԱՄՆ՝ Իրանի դեմ ռազմական գործողությունների սկսման
երկարաժամկետ նախագծին: Նման կարծիք է հայտնել Սեւծովյան-կասպիական
քաղաքական եւ սոցիալական հետազոտոթյությունների ինստիտուտի տնօրեն Վլադիմիր
Զախարովը՝ ՌԴ նախագահ Մեդվեդեւի այցի արդյունքների ամփոփոման վերաբերյալ
հեռուստակամուրջի ընթացքում:
Նրա խոսքով, Վրաստանն ամեն կերպ աջակցում է իր տարածքում ամերիկյան
ռազմակայանների տեղակայմանը, ճանապարհների անվան տակ թռիչքուղիներ
կառուցելով ԱՄՆ ռազմական օդուժի համար: «Մոսկվայի արձագանքը Թբիլիսիի նման
գործողություններին պետք է լինի համարժեք: Պարզ է, որ երկու երկրների
հարաբերությունները փակուղի են մտել եւ դա այնքան է շարունակվելու, քանի
դեռ Վրաստանում կառավարում է Միխայիլ Սահակաշվիլին»,- ամփոփել է փորձագետը:
Վրաստանի ազգային փոքրամասնություններով
բնակեցված տարածքներում վրացերեն լեզվի դասավանդմանւ հատուկ թրեյնինգներ են
անցկացվել: 50 մանկավարժ հաղթել է «Սովորեցնում ենք վրացերենը` որպես
երկրորդ լեզու» ծրագրում և ստացել վկայական: Ծրագրին մասնակցող
ուսուցիչներն աշխատելու են Սամցխե-Ջավախքի, Քվեմո-Քարթլիի և Կախեթի
տարածաշրջաններում: 
Այսօր Վրաստանի շրջակա միջավայրի
պահպանության նախարար Գոգա Խաչիձեն հայտարարել է, որ Վրաստանի անտառներում
դիտավորյալ հրկիզում է եղել: «Իմ սուբյեկտիվ կարծիքով, Սամցխե-Ջավախքում
բորբոքված հրդեհը միտումնավոր հրկիզման հետևանքով է եղել, և
հետաքննությունն արդեն կասկածյալներ է հայտնաբերել»,- «Գրուզիա օնլայնի»
փոխանցմամբ` լրագրողների հետ հանդիպման ժամանակ ասել է նախարարը: 
«Հավատացյալ անհավատ եմ, տարիներիս հավատում եմ,
շուտով 60 տարեկան եմ, ծերանալուս չեմ հավատում, վեցից հետո յոթն ունեմ…»:
Մոտ մեկ ամիս առաջ ջավախքցի բանաստեղծուհի
Սիլվա Սիփանուհին Հայաստանից վերադարձել է տուն` իր հետ տանելով մանկանան
Աստվածաշուչը, Հին ու Նոր կտակարանները և աղոթագրքեր: Սակայն վրացի
սահմանապահները նրան թույլ չեն տվել անցկացնել դրանք Ջավախք: Նա ստիպված
գրքերը ետ է ուղարկել` Աշոցք: