<<Խանդո>> Բարեգործական հիմնադրամ
Пятница, 29.03.2024, 18:53
Меню сайта
Block title


Онлайн всего: 1
Гостей: 1
Пользователей: 0

Block title
Block title
Block title
«  Май 2010  »
ПнВтСрЧтПтСбВс
     12
3456789
10111213141516
17181920212223
24252627282930
31
Block title
Հղումներ
Block title
Главная » 2010 » Май » 23 » Վրացական իշխանութիւնները շարունակում են Հայ գործիչների հետապնդումները
13:18
Վրացական իշխանութիւնները շարունակում են Հայ գործիչների հետապնդումները

Վրացական իշխանութիւնները նոր դատավարութիւններ են նախաձեռնել ջաւախքահայ քաղաքական ակտիւիստներ Գուրգէն Շիրինեանի եւ Արամ Բատոյեանի նկատմամբ:
«Երկիր» միութեան տարածած հաղորդագրութեան համաձայն՝ 2009թ. հոկտեմբերին Ախալքալաքի շրջանային դատարանի կողմից հեռակայ կարգով երեք տարւայ ազատազրկման դատապարտւեց Գուրգէն Շիրինեանը՝ 2005թ. մարտին ռազմական ոստիկանութեան աշխատակիցների նկատմամբ խուլիգանութիւն կատարելու մեղադրանքով: Այս նոր դատավճիռն ընդունւել է նրա նկատմամբ արդէն իսկ գործող 17 տարի ազատազրկման դատավճռի պայմաններում, որն ընդունւել էր նոյնպէս հեռակայ կարգով դեռեւս 2008թ. դեկտեմբերին:
Ներկայում նաեւ ընթանում է ջաւախքահայ քաղաքական ակտիւիստ Արամ Բատոյեանի նկատմամբ հեռակայ դատավարութիւնը, որը Ջաւախքի երիտասարդական մարզամշակութային միութեան (կազմակերպութեան ղեկավարը Վահագն Չախալեանն է) կենտրոնի տնօրէնն էր: Նրան վրացական իշխանութիւնների կողմից մեղսագրւում է ՋԵՄՄ-ի շէնքում զէնք պահելը, որն իբր յայտնաբերւել էր 2008թ. յուլիսի 21-ի խուզարկութեան ընթացքում:
«Երկիր» միութիիւնը գտնում է, որ ջաւախքահայ քաղաքական գործիչների նկատմամբ այս նոր հեռակայ դատավարութիւններն ուղղւած են ամրապնդելու Ջաւախքում տիրող պետական ահաբեկչութեան ռեժիմը, ինչպէս նաեւ ջաւախքահայութեան մէջ առկայ վախի տրամադրութիւնները:
Հաւի առնելով վերոնշեալը՝ «Երկիր» միութիւնը պահանջում է վրացական իշխանութիւններից՝
1. Անյապաղ անցկացնել Ախալքալաքում 2008թ. Յուլիսի 17-21-ի դէպքերի նոր անաչառ հետաքննութիւն.
2. Վերանայել ջաւախքահայ քաղաքական գործիչների եւ նրանց ընտանիքների անդամների նկատմամբ ընդունւած բոլոր մեղադրական դատավճիռները.
3. Դադարեցնել ջաւախքահայ գործիչների նկատմամբ ծայր առած ոստիկանական հալածանքները եւ քաղաքական հետապնդումները:
Կազմակերպութիւնը նաեւ կոչ է արել միջազգային կազմկերպութիւններին եւ Վրաստանում հաւատարմագրւած դիւանագիտական ներկայացչութիւններին ուշադրութիւն դարձնել Ջաւախքում ծաւալւող իրադարձութիւններին՝ ճնշում գործադրելով վրացական իշխանութիւնների վրայ՝ հայաբնակ երկրամասում հալածանքները դադարեցնելու նպատակով:
Просмотров: 535 | Добавил: JAVAXQ | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Ներսիկ Իսպիրյան
Խանդո
Block title
Block title
Мини-чат
Поиск
Хостинг от uCoz
Ancient Armenian Calendar