Սեպտեմբեր 16, 2010 | 15:21
Xan.do.am-ին հասած տեղեկություններով՝ youtube-ում տեղադրված աղմկահարույց տեսանյութի «գլխավոր հերոսը» հայտնաբերվել է:
Նրան, ներկա դրությամբ, համապատասխան մարմինները տեղափոխում են Երեւան՝ համապատասխան քննչական միջոցառումներ իրականացնելու համար: Հայաստանի պաշտպանության նախարարությունում, սակայն, այս մասին որեւէ կոնկրետ բան չասացին: Նախարարության մամուլի ծառայության աշխատակից Մուշեղ Աղեկյանն ասաց, թե, իր տեղեկություններով, տեսանյութը հանձնվել է համապատասխան կառույցներին՝ «ձեր նշած անձին հայտնաբերելու համար»:
Նշենք, որ տեսանյութում պատկերված է, թե ինչպես է կիսամերկ մի սպա նվաստացնում ՀՀ ԶՈւ համազգեստով երկու զինվորների՝ քաշելով, ջուր լցնելով նրանց ականջների մեջ ու հարվածելով նրանց ականջներին ու գլխին:
Ինչպես ավելի վաղ հայտնել էր Xan.do.am-ը, Հայաստանի պաշտպանության նախարարությունը պաշտոնապես արձագանքել է նշված տեսանյութին, նշելով, թե համապատասխան միջոցներ է ձեռնարկել «տեսանյութի հավաստիությունը ճշտելու, պատկերվածների ինքնությունը պարզելու եւ հեղինակներին հայտնաբերելու, բռնություններ կիրառողներին պատժելու ուղղությամբ»:
