Հաղորդավար Թինա Կանդելակին մտադիր է ժամանել Վրաստան, որ «նայի Սահակաշվիլիի աչքերի մեջ», ով Քսենյա Սոբչակին ասել է, թե «չկա մի տղամարդ, ում Թինա Կանդելակին մերժել է ինտիմ կապի մեջ»:
Թբիլիսիի «Վսե նովոստի» թերթին տված հարցազրույցում, Կանդելակին բացահայտել է Քսենյա Սոբչակի եւ նախագահ Միխայիլ Սահակաշվիլիի վերջին հանդիպման մանրամասները, որը իսկական աղմուկ է բարձրացրել լրատվամիջոցներում:
Սահակաշվիլին այնքան հիմարություններ է ասել Սոբչակին, որ «աղջիկը զարմացած է մնացել», ասել է Կանդելակին՝ վկայակոչելով շոու-բիզնեսի աստղի խոսքերը:
Թինան մաղթել է, որ Միխայիլ Սահակաշվիլին բուժվի անպետք ֆանտազիաներից եւ հավելել. «փորձը ցույց է տալիս, որ ֆանտազյորները հայտնվում են գժանոցում»:
«Երեւի իր ֆանտազիաներում Միշան սեռական կապ է ունեցել հետս եւ տենչում է դա իրականում»,- ասել է Կանդելակին եւ հավելել. «Կհերիքի՞, արդյոք, այդ փոքրիկ ֆանտազյորի խիղճը նայել աչքերիս մեջ եւ կրկնել նույն հիմարությունը»:
Նա ասել է, որ ավելի վաղ Սահակաշվիլին իրեն ինտիմ հարաբերություն է առաջարկել, բայց «մեեեծ մերժում է ստացել»:
NEWS.am-ն արդեն հայտնել է, որ Սահակաշվիլիի սիրառատության մասին լուրերը վաղուց են շրջում: Վերջերս վրացական թերթերից մեկը հրապարակել է հինգ կանանց լուսանկարները, որոնք Սահակաշվիլիի հետ ծանոթության արդյունքում, բարձր պաշոններ են զբաղեցրել:
Հայտնի է նաեւ, որ Սոբչակը Վրաստան է ժամանել օլիգարխներից մեկի հրավերով եւ իսկապես հանդիպել է Սահակաշվիլիի հետ: Ավելին, Սոբչակը շրջել է Թբիլիսիում Վլադիմիր Պուտինի պատկերով շապիկով:
