Սեպտեմբեր 21, 2010 | 16:56
Հայաստանի Անկախության 19-րդ տարեդարձի առթիվ նախագահ Սերժ Սարգսյանը շնորհավորական ուղերձ է ստացել ԱՄՆ նախագահ Բարաք Օբամայից:
Ինչպես NEWS.am-ը տեղեկանում է նախագահի մամուլի գրասենյակից, Միացյալ Նահանգների նախագահը իր ուղերձում, մասնավորապես, նշել է. «Միացյալ Նահանգները միանում է Ձեզ եւ ամբողջ հայ ժողովրդին` նշելու Հայաստանի անկախության օրը` սեպտեմբերի 21-ը: Այս առիթով մենք մեր գնահատանքն ու հարգանքն ենք հայտնում հայ ժողովրդի ոգու ու նվաճումների եւ աշխարհով մեկ ունեցած ձեռքբերումների վերաբերյալ: Միացյալ Նահանգները հպարտանում է մեր երկրների պատմական կապերով ու բարեկամությամբ եւ որպես պատիվ է ընդունում հայկական ծագումով ամերիկացիների բազմաթիվ ներդրումները մեր երկրում: Շնորհավորում եմ Ձեր ազգային տոնի առթիվ»:
