Թուրքիայի Բուրսա նահանգի Ինեգյոլի շրջանի 20-ամյա բնակչուհի Փնարը,
նշանածի կողմից լքվելուց հետո, իրեն նետել է 4-րդ հարկից, սակայն
փրկարարների բացած անվտանգության գորգը պաշտպանել է աղջկան վնասվելուց։
Թուրքական Milliyet-ի փոխանցմամբ՝ 20-ամյա Փնարն իմանալով, որ որոշ
ժամանակ առաջ իրենից հեռացած նշանածը ուրիշի հետ է նշանվել, բարձրացել է մի
կիսակառույց շենքի տանիք՝ ինքնասպանություն գործելու համար։
Բնակիչների ահազանգից հետո, դեպքի վայր ժամանած ոստիկանները փորձել են
համոզել նրան հետ կանգնել նետվելու որոշումից, սակայն աղջիկը նետվել է եւ
հայտնվել փրկարարների կողմից արագ բացված անվտանգության գորգի վրա։
Ինքնասպանության փորձ կատարած աղջկան տեղափոխել են հոգեբանի մոտ։