Մի քանի օր առաջ Գյումրիի քաղաքապետ Վարդան Ղուկասյանը տնտեսական եւ քաղաքական գիտությունների պատվավոր դոկտորի կոչում է ստացել բազմաթիվ արժանիքների, այդ թվում՝ նաեւ Գյումրիում «դեմոկրատիայի բարձր մակարդակ ապահովելու» համար: Ինքը՝ պրն Ղուկասյանը, հայտարարել է, թե պատահաբար է իմացել իր նոր կոչման մասին: «ՉԻ»-ն փաստը հետեւյալ կերպ է մեկնաբանել. «Խնդիրը միայն այն չէ, որ Վարդան Ղուկասյանը վաղուց արդեն ակադեմիկոսի կոչում ունի, կազակական զորքերի ատամանի կոչում էլ, ասում են՝ նույնիսկ «գժի թուղթ» էլ: Եթե այսպես շարունակվի, պրն Ղուրասյանը մի օր էլ կարող է պատահամար պարզել, որ իրեն պատվավոր տիեզերագնացի կամ ջրացատկի սպորտի վարպետի կոչում են տվել: Խնդիրն այն է, որ նա, բանից պարզվում է, Գյումրիում «դեմոկրատիայի բարձր մակարդակ է ապահովում»: Այս բարձր մակարդակի շնորհիվ է երեւի, որ Հայաստանի երկրորդ քաղաքում այդքան հաճախ են իրար վրա կրակում ու սպանում պատահական անցորդներին:
Եւ ընդհանրապես՝ իսկական դեմոկրատիան հենց այն է, որ «նաչալնիկին» անկապ կոչումներ ու մեդալներ են շնորհում: Բա ուրիշ ինչպե՞սարտահայտել «ժողովրդի անսահման սերը իմաստուն առաջնորդի նկատմամբ»:
