Վրաստանի իշխանությունները թույլ չեն տվել երկրի տարածք մուտք գործել իսրայելցի հայտնի քաղաքագետ, հրապարակախոս Ավիգդոր Էսկինին։ Սեպտեմբերի 13-ի գիշերը Էսկինը Թբիլիսի է ժամանել Վրաստանի ժողովրդավարական ակադեմիայի ռեկտոր Սոսո Ցինցաձեի հրավերով։ Սեպտեմբերի 14-ին նա պետք է դասախոսություն կարդար այդ բուհում, իսկ հաջորդ օրը մասնակցեր «Ինքնություն եւ գլոբալիզացիա. մարտահրավերներ եւ հեռանկարներ» թեմայով կլոր սեղանին։
Էսկինի խոսքով, իրեն արտաքսել են` առանց դրա պատճառները նշելու։ «Ես մի քանի անգամ պահանջեցի, որ ինձ բացատրեն՝ ինչո՞ւմ եմ մեղավոր եւ ինչո՞ւ ինձ Վրաստան չեն թողնում,սակայն պատասխան չստացա»,- ասել է քաղաքագետը։
