03.11.2010
Ախալցխայի Երևման Սուրբ Խաչ հայկական եկեղեցին հերթական հայկական եկեղեցին է, որը վրացական իշխանությունների կողմից փորձ է արվում դարձնել վրացական: Հայկական ճարտարապետությունն ուսումնասիրող հասարակական կազմակերպության նախագահ, հուշարձանագետ Սամվել Կարապետյանն այսօր, վկայակոչելով պատմական փաստերը, հայտարարել է, որ մինչև 18-րդ դարի սկիզբը Երևման Սուրբ Խաչ եկեղեցին ծառայել է հայ առաքելական եկեղեցուն, այնուհետև փոխանցվել Վրաստանի կաթողիկե հայ համայնքին:
Սամվել Կարապետյանի խոսքով` այսօր վրաց եկեղեցին փորձում է հորինել պատմություն, թե իբր Վրաստանում կա նաև վրաց կաթողիկե համայնք, որին էլ, իբր պատկանում է նշված եկեղեցին: Որպես խնդրի լուծում` Սամվել Կարապետյանը նշել է, որ սա ավելի շուտ ոչ թե իշխանությունների, այլ եկեղեցու կողմից լուծվելիք հարց է:
