ՀԱԺ պատգամավոր Սամվել Ալեքսանյանի (Լֆիկ Սամոյի) եղբորորդու եւ ԱԺ պատգամավոր Գրիգոր Մարգարյանի (Բելաջիոյի Գրիշի) դստեր՝ սեպտեմբերի 4-ին տեղի ունեցած հարսանիքից նորանոր մանրամասներ են շարունակում ի հայտ գալ՝ գրում է «Հայկական ժամանակ»-ը: Ըստ լուրերի, Ալեքսանյանի «Փարվանա» ռեստորանային համալիրում տեղի ունեցած հարսանիքի ընթացքում անջատվել են լույսերը: Երբ լուսավորումը վերականգնվել է, պարզվել է, որ հյուրերից ԲՀԿ նախագահ Գագիկ Ծառուկյանն այլեւս ներսում չէ: Նրան թիկնազորը հատուկ միջոցներ ձեռնարկելով՝ կոստյումներով ծածկված եւ կենդանի պատնեշով փակված, դուրս է բերել մթության մեջ թաղված սրահից: ԲՀԿ նախագահը հարսանյանց սրահ է վերադարձել լույսերը միացնելուց հետո: Սամվել Ալեքսանյանը թերթի թղթակցի հետ զրույցում հաստատել է հարսանիքի ընթացքում 5-10 րոպեով լույսերի անջատվելու հանգամանքը, բայց հերքել է Ծառուկյանի հետ կապված միջադեպը: